bowlen, grillen und champagner - ein wochenende in helsinki

Sa hot des gaunze augfaungt mit bowlen. urspruengli woar nur unsrige tutgruppe dabei und a aundare. im endeffekt san daun so um die 30 leut auftaucht mit denen wir vo kamppi (der supertollen busstation mit flughafenfeeling) noch kallio gfohrn san wo de bowlingbaun is. i hob mit 5 spanier und an schweizer gspielt, war ziemlich cool. i glaub jo, des wor mehr so wos wia diskobowling, weil olles so huebsch blau wor ;)
nochha is a teil der leut diverse laendermatches anschaun gangen; aber mein part der gruppe is in ein beisl in kallio um bier zu trinken und zu plaudern. des beisl is jo a a gaunz aundare gschicht ;) 'Roskapankki' hoast des, und ma kriegt 'yks tuoppi' (eine finnische pint, 0.4l) um 2e was a occasion fia de finnischen preise is. noch an fizu (wodka mit fishermens friends) hamma noch an lakrizeschnaps trunken waehrend dem auf den bus warten.
fizu is ja recht gut, schmeckt recht minzig u so. aber wenn ma so wie i ned sondali a freund vo lakrize is, is des andere zeugs trinkboar oba ned berauschend.
dann noch die stockholm diskothek besucht, huebscher innen als onnela weil ned gaunz so rot pluesch goldig, aber viel mehr eintritt (im vagleich zu 0e is olles vue). Und abgschlossn mit an klanen snack u mehr plaudern bei pasi (wiedara tutor, oba ned meiniga), der a in otaniemi wohnt. wie i ham bin, woars hoiwa siewane in da fruh u scho wieda hell.

so war dann recht gmiatli wei eh olle gschlofn haum, war am spotn nochmittag mitm radl in seurasaari grillen mit kerstin, joe (sbg/krtn) u de franzosn. huebsch wars dort, oba a bissi koit. auf'd nocht nu mei toschn vom pasi ghoit u daun iptv grichtet bei meim tutor ;)

mo wor i im wesentlichen auf da uni. di hot moi mitn finnisch kurs angfangt und dann viel pause wo i bisl fia mei paper researched hob. der space kurs den i moch, der hot leida nu ned angfangt, des is oba nirgends gstaundn, deswegn haum ma daun am institut vorbeigschaut ;)
hot oba an grossn vorteil ghobt - ana vo da TU is derzeit grod do auf ana Konferenz, jetzt hob i mi mit eam im bakers in helsinki auf an zwoa viele 'sparkling wine's treffn kennan. de gibts durt jedn di um 1e/glas. nochand waradns nu wohi essn gaunga, oba wie des erste lokal zu voi gwesn is, hob i mi zur kerstin obgsetzt.

mi hob i unifrei :) wor i mitm joni essn u daun in leppävaara im sello einkaufn. jetzt bin i besitzerin eiens wasserkochers und neuer passender schuhe *freu*
auf'd nocht wor ma daun des match finnland-polen anschaun, leider is es 0:0 ausgangen. anyway, danach noch a bissi kallio angschaut und wieda a hübsches lokal gfundn, desmoi mit musikquizz und voi gmiatli drinnen. vo draussn hots jo a bissl voi vadächtig u obweisnd gwirkt.
oba saukoit is es draussn in da nocht scho! untertogs host ka jackn braucht, oba auf'd nocht warad a haubm scho nett gwesn

heit werd i ws stadisuunistus geh (wer aufpasst hot - suunistus is orienteering, stadi is da naum vo de helsinger fia helsinki), wo glaub i olle unsare fuksit (erstsemestrige) durch stadi rennan u lustige dinge tun. werd ma nu a poar internationals suchn dafia, damit i ned de anzige bin, de ka finnisch vasteht ;)